Исклучителен успех на натпреварот по пијано во Италија

Учениците од ООУ „Свети Јоаким Крчовски“ – Крива Паланка, под менторство на наставничката по пијано Лариса Жулина-Митовски, остварија блескав успех на престижниот International Piano Competition Franz Liszt – 10° Edizione, кој се одржа во Гротамаре, Италија.
Овој меѓународен натпревар, посветен на името, делото и значењето на големиот композитор и пијанист Франц Лист, собира талентирани млади пијанисти од целиот свет.
Нашите ученици постигнаа извонредни резултати и достојно го претставија училиштето, градот и нашата држава:
УНА ЗЛАТАНОВСКА – ПРВА НАГРАДА (Category A)
МИХАИЛ МИТРОВСКИ – ТРЕТА НАГРАДА (Category A)
КАТЈА ТРЕНЧОВСКА – ТРЕТА НАГРАДА (Category B)
МЕГЛЕНА ГЕОРГИЕВА – ТРЕТА НАГРАДА (Category B)
Овој успех претставува големо признание за трудот, талентот и посветеноста на учениците, како и за професионалниот и инспиративен педагошки пристап на наставникот.
Честитки за сите натпреварувачи! Продолжете да блескате и да ја ширите љубовта кон музиката!
https://www.facebook.com/share/p/17b4DADRRy/
#ProudOfOurStudents #FranzLisztCompetition #MusicSuccess #KrivaPalanka #StJoakimKrcovski

🎶 Голем успех за нашите млади музичари! 🏆🥈

На меѓународниот музички фестивал „Утринска ѕвезда“ кој се одржа во Банско, Република Бугарија училишниот оркестар, под раководство на проф. Лариса Жулина-Митовски, го освои второто место во конкуренција со музички ансамбли од повеќе држави. Овој резултат претставува значајно признание за талентот, континуираната работа и посветеноста на младите музичари и нивниот ментор.

🎻✨ Посебно признание заслужува и Михаил Митровски, ученик од класата на проф. Жулина-Митовски, кој во категоријата пијано-соло го освои второто место. Неговиот настап беше оценет како технички прецизен и инспиративен. Фестивалот обедини талентирани музичари од најмалку пет земји:

Република Бугарија
Република Северна Македонија (претставници од Крива Паланка, Крушево, Гевгелија, Кавадарци, Скопје, Радовиш и Струмица)
Украина
Грција
Индонезија.

Организаторите истакнаа дека фестивалот „Утринска ѕвезда“ станува сè попопуларен во Бугарија и надвор од неа. Тој не е само натпревар – туку модерен модел на уметнички фестивал, со широк спектар на дисциплини, иновативен систем на гласање со вклучување на публиката, инклузивност за сите возрасти и професионален пристап кој поставува нови стандарди во уметничките настани.

Упатуваме искрени честитки до сите учесници, до нивниот ментор и до родителите кои го поддржуваат талентот и развојот на учениците. Овој успех претставува силен поттик за понатамошно унапредување на музичката култура и уметност во нашето училиште.

🎼🌟 Продолжуваме да создаваме музика, успех и инспирација.

🔗Резултатите можете да ги погледнете на следниот линк: https://utrinnazvezda.com/event/mfi-bansko-2024/#i-4

Прва награда за нашиот оркестар на Државниот натпревар

Денес, 14.05.2025 година, нашите музичари блеснаа на сцената на Македонската филхармонија!

На Државниот натпревар по оркестар, кој се одржа токму таму, нашиот оркестар, под менторство на наставничката Лариса Жулина-Митовски, ја освои првата награда.

Горди сме на овој голем успех — честитки до сите учесници!

Им посакуваме уште поголеми успеси и на меѓународната сцена!

Второ место на државниот натпревар по музичко образование

Нина Николовска, ученичка во IX одделение во ООУ „Свети Јоаким Крчовски“ – Крива Паланка, освои втора награда (86 поени) на државниот натпревар по вокална интерпретација, под менторство на Лариса Жулина-Митовски.

Натпреварот беше реализиран во организација на Здружението на музички педагози на Република Македонија (ЗМПРМ) и се одржа во Свети Николе.

Искрени честитки до Нина за постигнатиот извонреден резултат и достојното претставување на училиштето!

Регионален натпревар по музичко образование 2024-2025

На Регионалниот натпревар по музичко образование, во категоријата вокални интерпретатори, нашите ученици постигнаа извонредни резултати:

Нина Николовска (IX-3) – I награда  со освоени 98 поени
Софија Младеновска (VI-4) – I награда  со освоени 94 поени
Ина Николовска (V-4) – I награда  со освоени 94 поени

Нина Николовска се пласира на Државниот натпревар!

Училишниот оркестар – I награда со освоени максимални 100 поени
Државниот натпревар ќе се одржи на 15 мај во Македонската филхармонија, Скопје.

Ментор: Лариса Жулина-Митовски

Натпревар по информатичко размислување

Учество на Meѓународен натпревар „Art in“- 2024 во Кавадарци

Учество на Meѓународен натпревар на мали пијанисти - 2024 во музичка школа ''Стеван Мокрањац''- Врање, Србија

Натпревар за „Убаво пишување на нотен текст“ by Larisa Mitovski

Натпревар за „Убаво пишување на нотен текст“

На 20 мај 2024 година по повод чествувањето на нашиот Патрон празник во просториите на училиштето се одржа натпревар за „Убаво пишување на нотен текст“. На натреварот учество зедоа 21 ученик од I до VIII одделение од музичката паралелка. Иницијатор и координатор на натпреварот е наставник-ментор Лариса Жулина-Митовски.

Комисијата во состав: Дејан Ангеловски, Марина Станишковска Пешовска и Марјан Бошковски го спроведоа тестирањето и по прегледаните тестови ги објавија следниве резултати:

Во прва категорија (ученици од I одделение)

· Првото место го освои Никола Ѓоргиевски

· Второто место припадна на Ања Спасевска

· Третото место припадна на Јован Јосимовски

Во втора категорија (ученици од II одделение)

· Првото место го освои Талија Пешовска

· Второто место припадна на Анамарија Златковска

· Третото место припадна на Катина Марковска

Во трета категорија (ученици од III одделение)

· Првото место го освои Петар Стаменковски

· Второто место припадна на Константин Митовски

· Третото место припадна на Давор Ангеловски

Во четврта категорија (ученици од IV одделение)

· Првото место го освои Дамјан Гогев

· Второто место го освои на Јована Стаменковска

Во петтата категорија (ученици од V одделение)

· Првото место го поделија Миа Тренчовска, Дарија Пешовска и Меглена Георгиева

Во шеста категорија (ученици од VI одделение)

· Првото место го освои Матеј Георгиев

Во осма категорија (ученици од VIII одделение)

· Првото место го освои Михаил Митовски

Им честитаме и им се заблагодаруваме на добитниците и на сите што зедоа учество на овој натпревар.Се гледаме повторно следната година!

Прво место за Нина Николовска на државниот натпревар by Larisa Mitovski

Прво место за оркестарот при ООУ „Свети Јоаким Крчовски“-Крива Паланка на државниот натпревар

Младите музички таленти од Крива Паланка, на чело со професорката Лариса Жулина-Митовски, повторно го направија градот горд на нивните музички достигнувања.

На државниот натпревар за училишни хорови и оркестри, кој се одржа во организација на Здружението на музички педагози од Македонија (ЗМП) на 11.мај во Скопје, оркестарот при ООУ „Свети Јоаким Крчовски“-Крива Паланка под менторство на проф. Лариса Жулина-Митовски го освои првото место.
Учениците од училишниот оркестар секоја година освојуваат први места и високи признанија во областа на оркестарот и инструменталната музика. Нивната посветена работа и љубовта кон музиката не остануваат непрепознаени и секогаш, без исклучок, се наградени!
Честитки за сите учесници на оркестарот при ООУ „Свети Јоаким Крчовски“-Крива Паланка и за нивната менторка Лариса Жулина-Митовски и нека продолжат да ја шират љубовта низ звуците на музиката!

GOLDEN PIANO TALENTS COMPETITION 2024 Dino Gjoshevski by Larisa Mitovski

GOLDEN PIANO TALENTS COMPETITION 2024 Eva Nikolova by Larisa Mitovski

GOLDEN PIANO TALENTS COMPETITION 2024 Petra Mitovska by Larisa Mitovski

GOLDEN PIANO TALENTS COMPETITION 2024 Luna Todorovska by Larisa Mitovski

GOLDEN PIANO TALENTS COMPETITION 2024 Una Zlatanovska by Larisa Mitovski

Прва награда со максимални 100 бодови за Меглена Георгиева

На ден 04.04.2024 година се одржа регионален натпревар за учениците во основното музичко образование, организиран од страна на Здружението на музички и балетски педагози на РСМ.
На натпреварот по предметот пијано од нашето училиште учествуваше ученичка од V одделение Меглена Георгиева од класата на професор Лариса Жулина-Митовски.
На регионалниот натпревар Меглена Георгиева освои прва награда, со максимални 100 бодови и продолжува на државниот натпревар, кој ќе се одржи на 25 април 2024 година во Битола.
На Меглена и посакуваме голем успех на државниот натпревар!
Програмите за натпреварот за основно музичко образование за 2024 година се објавени на следниот линк.
Правилата за одржување на натпреварот се објавени во Правилникот за организирање на општински, регионален и државен натпревар на учениците во основното музичко образование.

XII Meѓународен натпревар за камерна музика во Кавадарци

На 27 март 2024 година младите талентирани музичари од Крива Паланка учествуваа на XII Meѓународен натпревар за камерна музика во организациjа на ООМБУ ,,Лазо Мицев – Рале” – Кавадарци, под покровителство на Општина Кавадарци и поддржан од Министерството за Култура и Министерството за образование и наука.
Учениците од од нашето училиште ги покажаа своите знаења во две категории, со своите изведби оставија незаборавен впечаток кај жири – комисиjата и се закитија со две први награди.

Во категориjата ,,четирирачно пиjано” Матеј и Меглена Георгиеви од класата на наставник Лариса Жулина-Митовски освоија прва награда (97,2 бодови).

Во категориjата „камерни оркестри“ училишниот оркестар освои прва награда (99 бодови).

Честитки до сите ученици кои освоија први награди на меѓународниот натпревар по камерна музика-КМК!

Втора награда за Теодор Смиљков на меѓународен пијано-натпревар во Србија

На меѓународниот натпревар за млади пијанисти “Стеван Мокрањац”, кој викендов се одржа во Врање – Србија, во конкуренција од 17 кандидати, нашиот пијанист Теодор Смиљковја освои втората награда.

На натпреварот учествуваа кандидати од повеќе градови од Македонија, Србија и Бугарија, а Теодор беше единствениот претставник од Крива Паланка.

Теодор Смиљков е ученик во деветто одделение во ООУ “Јоаким Крчовски” – Крива Паланка во класата на проф. Лариса Жулина-Митовски. Неодамна го освои првото место на престижниот Меѓународен натпревар „Golden piano talents“.

ПРВО МЕСТО ЗА УЧИЛИШНИОТ ОРКЕСТАР НА ДРЖАВЕН НАТПРЕВАР

НОВИ ВИСОКИ НАГРАДИ НА МЕЃУНАРОДНИОТ НАТПРЕВАР „ART IN“

На Меѓународниот натпревар за класична музика „ART IN“ учениците од ООУ „Св.Јоаким Крчовски“-Крива Паланка под менторство на професорката Лариса Жулина-Митовски повторно освоија високи награди. Натпреварот се одржа во Кавадраци од 26 до 28 мај 2023 година.
Училишниот оркестар доби Меѓународна специјална награда со освоени максимални 100 поени и како најдобар оркестар е поканет на Меѓународниот фестивал со натпреварувачки карактер “All colours of Art”-2023, кој ќе се одржи во Римини, Италија од 26 до 28 октомври 2023 година.
Пијанистот Теодор Смиљков (9 одделение) ја освои II награда со 88,3 поени.
-Наградите се потврда за постигнувањата на моите ученици и поттикнување да продолжат да се стремат кон нови успеси. Тие стануваат стимул за продолжување на работата и за достигнување во своите уметнички желби и амбиции, рече Жулина-Митовски.
Организатори на натпреварот се: Лазо Атанасов – аранжер, композитор, естраден уметник, наставник по виолина во ООМБУ „Лазо Мицев-Рале“ – Кавадарци и д-р Екатерина Михељкис – хорски диригент, професор на „Академија Смилевски“, наставник во ОУ „Ѓорѓи Сугарев“ – Битола.
Честитки за постигнатиот успех на Меѓународниот натпревар по класична музика “ART IN” и голема благодарност за вложениот труд до менторот Лариса Жулина-Митовски!
После натпреварот учениците посетија археолошкиот локалитет Стоби-музеј под отворено небо. Водичот ги запозна нашите љубопитни ученици со древните приказни од локалитетот Стоби.
Голема благодорност за поддршката до родителите на младите музичари и до Општина Крива Паланка за обезбеден превоз до Кавадарци.

ПРВА НАГРАДА НА МЕЃУНАРОДЕН НАТПРЕВАР ЗА КАМЕРНА МУЗИКА

На 30.03.2023 година талентираните млади музичари од ООУ „Јоаким Крчовски“- Крива Паланка, ученици од 9 одделение Теодор Смиљков и Леон Јанковски од класата на професорката Лариса Жулина-Митовски освоија прва награда во силна конкуренција од повеќе од 200 учесници од Република Северна Македонија, Република Хрватска и Република Бугарија. Учесниците на натпреварот го покажаа својот талент, знаења и умешност во повеќе дисципини: пијано-четирирачно, состави со и без пијано, како и традицициони состави.

-„Многу сум горда на високите резултати постигнати на моите ученици. Уште еднаш се докажа дека љубовта кон музиката, напорната работа и талентот неминовно водат кон успехот. Им упатувам искрени честитки за освоената прва награда на Меѓународниот натпревар по камерна музика во Кавадарци и им посакувам многу успеси во иднина“!-изјави проф. Лариса Жулина-Митовски. Покровители на фестивалот се Градоначалникот на општината Кавадарци и Советот на општината Кавадарци. Фестивалот е поддржан од Министерството за култура, со согласност со Министерството за образование и наука.

Втора награда на ХХХVІ Меѓународен фестивал на уметности „Утринска ѕвезда“

Во Банско, Република Бугарија од 30 ноември до 4 декември 2022 година се одржа ХХХVІ Меѓународен фестивал на таленти „Утринска ѕвезда“. На фестивалот, кој беше со натпреварувачки карактер, учествува ученици од повеќе европски држави, како Романија, Бугарија, Унгарија, Украина, Молдавија, Казахстан и Р.С.Македонија.

Главен организатор на фестивалот е Здружението „Арт академија – Утринска ѕвезда“ со седиште во градот Перник, Р. Бугарија, а негов претседател е г. Кирил Костадинов. Фестивалот се одржува од 2008 година во Банско, Албена, Сончев Брег и Ковачевци, а еднаш годишно во Софија се одржува свечен гала- концерт за лауратите од годишните изданија на фестивалот. Фестивалот работи и опстојува под заштита на УНЕСКО, а под покровителство на Министерството за култура на Р. Бугарија.

Целта на Фестивалот е да се обезбеди можност талентираните деца да ги истакнат своите капацитети и искуства, а истовремено да се создадат услови за развој и промоција на креативните идеи преку семинари за размена на искуства.

Училишниот оркестар при ООУ „Јоаким Крчовски“-Крива Паланка под менторство на проф. Лариса Жулина-Митовски се претставија со Антонио Вивалди, Концерт во f-moll и „Паладио“ од британскиот (велшки) композитор Карл Дженкинс. Жирито, составено од видни имиња на бугарската музичка сцена, им додели втора награда. Ниту публиката не остана рамнодушна на милозвучните тонови на младите таленти. Исто така, ученикот од деветто одделение Теодор Смиљков од класата на истиот професор го освои високото второ место.

Секоја работа вродува со плод, па така учениците работеа три месеци со многу љубов и ентузијазам и резултатот е видлив. На радост на сите вброени сме меѓу најдобрите, а со нашата напорна работа и посветеност и изминатите години освоивме престижни награди на фестивалите.

Ова е голем успех за нашето училиште и општината, успешно ги реализираме сите наши проекти и се афирмираме како училиште не само во републиката туку и надвор од неа.

Детски музички фестивал

“РАСПЕАНО СИМИТЧЕ“ -2023

Фестивал на песни за деца „Весело Штурче“ - Штип

ФЕСТИВАЛ НА ДЕТСКИ ПЕСНИ ,,РАСПЕАНИ СРЦА” ВО ШТИП

По 27-ми пат фестивалот на детски песни ,,Распеани срца” се одржа во сабота 17.09.2022 година во Н.У. Центар за култура “Ацо Шопов” во Штип. На овогодишниот репертоар песничките се за семејството, љубовта, татковината. Фестивалот е со натпреварувачки карактер.

Годинава на фестивалот настапија 14 деца од кои четворица се ученици од нашето училиште под менторство на проф.Лариса Жулина-Митовски. Михаил Младеносвки, Ангела Алексовска, Матеа Јовановска и Михаил Митовски се закитија со заслужени престижни награди од стручното жири и од публиката.

-Моите солисти беа успешни, задоволни и среќни од настапот. Тие се погрижија и за кореографијата на балетските групи коишто ги придружуваа на сцената и го збогатија сценскиот впечаток, изјави проф.Лариса Жулина-Митовски.

МЛАДИТЕ ПИЈАНИСТИ ОД КРИВА
ПАЛАНКА ПРВОНАГРАДЕНИ НА
ПРВИОТ ИНТЕРНАЦИОНАЛЕН ПИЈАНО
ФЕСТИВАЛ ВО ШТИП

Младите пијанисти од Крива Паланка од класата на професорката Лариса Жулина-Митовски освоија неколку први награди на првиот интернационален пијано фестивал во Штип, а талентираниот Теодор Смиљков како прворангиран учествуваше и на концертно претставување на втората фестивалска вечер.
-Чест и задоволство ни е на престижниот, првпат одржан фестивал, да се учествува и особено да се добијат награди во конкуренција од бројни европски држави. Голема благодарност до организаторот м-р Марија Максимова за организацијата и посветеност на ваков прекрасен и значаен настан што овозможи уживање во класичната музика и можности младите таленти да се претстават и добијат награди за нивните заложби, истакна професорката Жулина- Митовски, наставник во основното општинско училиште „Јоаким Крчовски“ Крива Паланка, чиишто ученици се пијанистите.
Штип викендов беше домаќин на првиот фестивал за млади пијанисти на кој настапија прворангираните во различни дисциплини на „Golden Piano Talents“ – онлајн натпреварот што опфати над 300 пијанисти од сите континенти.
На двете фестивалски вечери настапија ученици од Велика Британија, Чешка, Полска, Романија, Унгарија, Србија, Црна Гора и Албанија, како и од РС Македонија.
Организатор на фестивалот „Golden Piano Talents’ e Интернационалното здружение за културен развој и едукација „Арт фест“.

Државен натпревар за учениците во основното музичко образование

На 18.05.2022 година во организација на Здружението на музички и балетски педагози на РСМ се одржа 60-тиот државен натпревар за учениците од основните музички училишта и студентите од факултетите за музичка уметност. Натпреварот се одржа во просториите на Музичко-балетскиот училишен центар „Илија Николовски-Луј“ – Скопје. Учениците во силна конкуренција од нивните врсници од другите основни музички училишта во Република Македонија, постигнаа многу солидни резултати:

Под менторство на наставничката по пијано Лариса Жулина-Митовски нејзините ученици ги освоија следните резултати:

Меглена Георгиева – прва награда (96 бодови)

Матеј Георгиев-трета награда (90.25 бодови)

Меѓународен натпревар за културно творештво 2022 – Развој на детските потенцијали

Read this book made on StoryJumper

ОДРЖАН ОПШТИНСКИ И РЕГИОНАЛЕН НАТПРЕВАР ЗА УЧЕНИЦИ ВО ОСНОВНО МУЗИЧКО ОБРАЗОВАНИЕ 2022

На ден 20.04.2022 година во ООУ „Јоаким Крчовски“–Крива Паланка се одржаа општинскиот и регионалниот натпревар за учениците во основното музичко образование 2022 година, организирани од страна на Здружението на музички и балетски педагози на РСМ. Учениците од нашето училиште го докажаа високиот квалитет и потенцијал. Сите успеси се резултат на трудољубивоста и упорноста на младите таленти.

Лана Велковска од ООУ „Јоаким Крчовски” трето место на „Распеани срца”

Училишниот оркестар од ООУ ,,Jоаким Крчовски"-Крива Паланка на Меѓународниот фестивал „Душата на Русиja“

Учениците од училишниот оркестар при кривопаланечкото основно училиште „Јоаким Крчовски“, под менторствот на професорката по музичко, Лариса Жулина-Митовски, остварија уште еден во низата бројни успешни и наградувани настапи. Оркестарот учествуваше на годинашниот Меѓународен фестивал "Душата на Русија" што се одржа во Музејот на македонската борба. Фестивалот е во организација на Асоцијација Озарение - Скопје со поддршка на претставништвото на Россотрудничество во Скопје, при Амбасадата на Руската Федерација во Република Северна Македонија.

КРИВОПАЛАНЕЧКИТЕ МЛАДИ ПИЈАНИСТИ НАГРАДЕНИ НА МЕЃУНАРОДЕН ФЕСТИВАЛ ВО УКРАИНА

Учениците од музичката паралелка на основното општинско училиште „Јоаким Крчовски“ , Крива Паланка од класата на професорката Лариса Жулина-Митовски освоија две гран–при, четири први и две втори награди во различни возрасни категории на Интернационалниот онлајн музички натпревар „Soul“, одржан онлајн во Украина.

Настапите ги оценуваше интернационална жири-комисија од реномирани професори и пијанисти од САД, Турција, Украина, Узбекистан, Палестина, Швајцарија и Холандија.

МУЗИЧАРИ ОД КРИВА ПАЛАНКА ПРВОНАГРАДЕНИ

НА ДЕТСКИ КРЕАТИВЕН ФЕСТИВАЛ

Музичарите од Крива Паланка со високи резултати на детски креативен фестивал Крива Паланка.

Младите музичари од ООУ "Јоаким Крчовски"- Крива Паланка освоија високи резултати на детскиот креативен фестивал посветен на 75-годишнината од победата над фашизмот.

Фестивалот се одржа во Музејот на Македонската борба, а одложен беше од месец мај поради пандемијата со Ковид-19. Овој фестивал го организира Рускиот центар „Озарение“, со пoддршка на Амбасадата на Руската Федерација во Република Македонија, претставништвото на "Россотрудничество" и Државното единствено претпријатие „Московски центар за меѓународна соработка“. -На фестивалот учествуваа детски креативни групи и изведувачи од повеќе градови од Република Северна Македонија натпреварувајќи се во четири номинации: рецитирање, поезија, музичко и ликовно творештво, како и пишување состав на тема „Писмо до мојот прадедо војник“, а моите ученици од ООУ „Јоаким Крчовски“-Крива Паланка, на кои сум особено горда, настапија во категоријата музички творештво, кадешто освоија први места. Горјан Николовски настапи на пијано, соло категорија, каде е првопласиран во конкуренција од 7 до 12 години, а прва награда освои и инструментално трио во состав: Горјан Николовски, Константин Давидовски и Леон Јанковски, во номинација ансамбли и оркестри, изјави професорката Лариса Жулина-Митовски, под чиешто менторство се подготвуваа и настапија учениците Фестивалот воодушеви со многустраниот талент на младите љубители на рускиот јазик и младите музичари.

ВЕСЕЛИ ПРВАЧИЊА - Меглена и Матеј Георгиеви

Музика: Лариса Ж.Митовски
Текст: Биљана П.Антовска
Аранжман: Игор Трајковски

ПОБЕДА НА ОРКЕСТАРОТ ОД ООУ „ИЛИНДЕН“

22 мај 2012

На 19 мај во Велес се одржа Републичкиот натпревар на детски и младински оркестри на Република Македонија. На овој натпревар имаa право да настапат само најдобрите оркестри од нашата држава, кои претходно на регионалните натпревари добиле високи оценки од стучното жири и се здобиле со право да учествуваат на државниот натпревар. Основните училишта беа претставени со вкупно 25 оркестри од Скопје, Прилеп, Кавадарци, Охрид, Свети Николе, Битола, Kрива Паланка, Маврово, Берово, Гевгелија, Пехчево…, а средните училишта со 3 оркестри, и тоа од Берово, Охрид и Кавадарци.